ТIиндиб  -пайдаяб семинар.

14 февралалъ  ТIинди школалда тIобитIана районалъул байбихьул школалда хIалтIулел мугIалимзабазул семинар. Семинаралда гIахьаллъи гьабуна киналго районалъул  школаздаса 30 мугIалимас.                                                                                                                                                                  Семинаралъул байбихьуда рагьарал дарсал кьуна ва жодор бугел махщел бихьизабуна ТIинди школалъул байбихьул классазул мугIалимзаби З. МухIамадовалъ, X. ГIалимухIамадовалъ, Маймунат ва Мадина ХIажиеваз.                                                                                                                                                       Хадуб байбихьана семинаралъул хIалтIи. Гьеб хIалтIи нухда бачана районалъул управлениялъул методистал Ш. АхIмадовас ва Х. Камиловалъ.                                                                                             Ш.АхIмадовас жиндирго цеберагIиялда  къокъго бицана байбихьул школазул мугIалимзабазул хIалтIи лъикIлъизабизе ккани къваригIунел шартIазул ва мугIалимзабазда цере чIварал масъалабазул.                                                                                                                                                          Семинаралда цIакъ лъикIал гъваридаб магIнаялъул  докладал гьаруна Агъвали К. Абакаровасул цIаралда бугеб гимназиялъул байбихьул классазул мугIалимзаби К. Муртазаг1алиевалъ, П. Кадиловалъ ва ТIадгьаквари школалъул мугIалим, байбихьул  классазул мугIалимзабазул ассоциациялъул  бетIер C. Абдулхаковалъ.                                                                                                                                         Семинаралъул хIалтIуе лъикIаб къимат кьуна  гIахьаллъараз ва баркала кьуна ТIинди школалъул нухмалъулезе. Семинаралда рачIаразе жодор киназулго баркала  загьир гьабуна ТIинди школалъул директорасул  заместитель М. МуртазагIалиевас. Гьес жиндир кIалъай лъугIизабуна гьал хадур рехсарал кочIол мухъаздалъун.

ГIагараб школалде  махщел камил гьабизе

Киналго рачун щварай Хадижатий баркала

Нижер мугIалимзабаз  гьунар  бихьизабуна

Нижерго хIалтIул махщел  нужееги рагьана  .

Киналго нуж разиго къабул гьаруна гьанир

Нижер бугеб хIалтIиги бихьизабуна нужой

Цояз камилго дарсал хIадурун кьуна гьанир

Цогидаз лъималазе  кьуна  тарбия  берцин.

Нуж разиго рукъоре  ритIизе  яхI  бахъана

Гьабураб хъулухъалда гIайиб чIваге, гьарула

Школазде щваралго, бице нижер бугеб хIал

Босизе лъикIаб мисал, кIочон тоге, гьарула.

БахIсалда гIахьаллъарал киназего баркала

Нижер лъарал гъалатIал ритIизарила хехго

Нужое къо – мех лъикIин гьарула  кинацаго

Нух битIун рокъор щваян гьарула  алагьасда.

МухIамад  МуртазагIалиев-ТIинди школалъул завуч.